Ulkoministeriö / Utrikesministeriet

UM: Olgoministtar Soini Anárii - skuvlaturnea joatkašuvvá

Jaa

Olgoministtar Soini galleda Anáris vuossárgga čakčamánu 17. beaivve ja oassálastá doppe ordnejuvvon árktalaš parlamentarihkkárkonferensii ja galleda Avvila logahagas.

Árktalaš parlamentarihkkárkonfereansa čohkke Anárii lagabui 50 guovllu riikkabeaiáirasa. Oassálastit bohtet buot Davviriikkain, Kanádas, Ruoššas, Eurohpá parlameanttas, eamiálbmogiid organisašuvnnain ja Árktalaš ráđi dárkojeaddjiriikkain ovdamearkan Kiinnás ja Singapores. Čoahkkimis gieđahallat earret eará gulahallanoktavuođaid ovddideami ja dálkkádatrievdama váikkuhusaid árktalaš guovllus ja fitnodagaid servodatovddasvástádussii laktásan gažaldagaid.

Olgoministtar Soini oassálastá konfereanssa vuosttas oassái ja doallá dilálašvuođas sáhkavuoru, mas son guorahallá Suoma doaibmama sátnejođiheaddjin árktalaš ráđis.

Konfereanssa maŋŋá Soini joatká mannan jagi álgán skuvlaturneas Avvila logahagas. Turnea guoddevaš temán lea olgo- ja dorvvolašvuođapolitihka mearkkašupmi ovddalgihtii eastadeami barggus veahkaválddálaš radikálan šaddama vuostá. Veahkaválddálaš radikálan šaddan lea máilmmis ja Suomasge áittadahkki, mii stuorru. Dan sáhttá eastadit earret eará aktiivvalaš olmmošvuoigatvuođapolitihkain, nannemin nissoniid ja nieiddaid sajádaga sihke ráfigaskkusteami ja kriisahálddašeami vugiiguin. Riikkaidgaskasaš ovttasbargu buot dáid surggiin lea dehálaš.

“Veahkaválddálaš radikálan šaddan, dego earátge globála dorvvolašvuođaáitagat gáibidit ovttasbarggu. Oktage stáhta ii bastte čoavdit dáid okto”, Soini muittuha.

”Olgoministtar Soini lea johtán skuvllaid mielde diimmá skábmamánu rájes oaivegávpotguovllus ja maiddái eanagottiin. Skuvlaturnea mihttomearrin lea deaivat nuoraid ja háleštit nuoraid oassálastimis ja servodatlaš váikkuhanvejolašvuođain.

“Lean movttiidan áššis ja áiggun dánge čavčča johtit oppa Suomas. Mu sáhka lea čielggas; olmmošárvvu beales radikálan šaddama vuostá. Dehálaš oassi galledeamis lea hálešteapmi ja jearaldagat. Suoma nuorat lea viisát. Sis lean oahppan olu ja áiggun oahppat dás duohkoge.”

Lassidieđut: olgoministtar Soini sierraveahkki Riikka Taivassalo, tel. +358 46 923 4581.

Olgoministeriija šleađgapoastačujuhusat lea hámis ovdanamma.sohkanamma@formin.fi

Avainsanat

Linkit

Tietoja julkaisijasta

Ulkoministeriö / Utrikesministeriet
Ulkoministeriö / Utrikesministeriet
Kanavakatu 3 C, PL 481
00023 Valtioneuvosto

0295 350 000http://um.fi

Tilaa tiedotteet sähköpostiisi

Haluatko tietää asioista ensimmäisten joukossa? Kun tilaat mediatiedotteemme, saat ne sähköpostiisi välittömästi julkaisuhetkellä. Tilauksen voit halutessasi perua milloin tahansa.

Lue lisää julkaisijalta Ulkoministeriö / Utrikesministeriet

Uutishuoneessa voit lukea tiedotteitamme ja muuta julkaisemaamme materiaalia. Löydät sieltä niin yhteyshenkilöidemme tiedot kuin vapaasti julkaistavissa olevia kuvia ja videoita. Uutishuoneessa voit nähdä myös sosiaalisen median sisältöjä. Kaikki STT Infossa julkaistu materiaali on vapaasti median käytettävissä.

Tutustu uutishuoneeseemme