Beassážat rievdadit Kela bálvalusaid ja mávssuid áigetávvaliid
Beassážat áradit bargguhisvuođaáigge almmuhanbeivviid ja bargguhisvuođadoarjaga máksinbeivviid. Áigáiboahtodoarjja geargá kontui ovdal beassážiid, jos ohcamuš ja čuvvosat leat doaimmahuvvon Kelai maŋimustá 15.3.2024. Skilleduorastaga Kela bálvala áššehasaid dmu 13 rádjai, ja áigáiboahtodoarjaga gohcin lea rabas dmu 16 rádjai.
Beassážat áradit bargguhisvuođaáigge almmuhanbeivviid ja bargguhisvuođadoarjaga máksinbeivviid.
Jos bargguhisvuođaáigge almmuhusa áigodat nohká maŋŋebárgga 26.3.2024 dahje gaskavahku 27.3.2024, almmuhusa sáhttá máhcahit maŋŋebárgga 26.3.2024 ja ruđat leat konttus áramustá duorastaga 28.3.2024.
Jos bargguhisvuođaáigge almmuhusa áigodat nohká duorastaga 28.3.2024, almmuhusa sáhttá máhcahit gaskavahku 27.3.2024 ja ruđat leat konttus áramustá maŋŋebárgga 2.4.2024.
Jos bargguhisvuođaáigge almmuhusa áigodat nohká bearjadaga 29.3.2024, lávvardaga 30.3. dahje sotnabeaivve 31.3.2024, almmuhusa sáhttá máhcahit duorastaga 28.3.2024 ja ruđat leat konttus áramustá gaskavahku 3.4.2024.
Almmuhusa gánneha doaimmahit MuKelas jo máhcahanbeaivve iđida, vai dat gergo gieđahallot nu jođánit go vejolaš.
Beassážiid váikkuhus áigáiboahtodoarjaga ohcamii
Áigáiboahtodoarjaga maŋimuš máksinbeaivi ovdal beassážiid lea duorastaga 28.3.2024. Doarjja geargá dalle kontui, jos ohcamuš ja buot dárbbašlaš čuvvosat leat doaimmahuvvon Kelai maŋimustá 15.3.2024.
Skilleduorastaga Kelas lea hohpolaš áigáiboahtodoarjaga dárbbašeaddjiide gohcin telefonbálvalusas ja muhtin bálvalanbáikkiin dmu 16 rádjai. Hohpolaš dilli sáhttá leat ovdamearkan dat, ahte áššehas dárbbaša johtilit máksinčatnasumi dálkasiidda dahje borramušgálvvuide.
Jos áššehas dárbbaša áigáiboahtodoarjaga hohpolaččat Kela rabasáiggiid olggobealde, buresveadjinguovlu sáhttá guorahallama mielde mieđihit eastadeaddji áigáiboahtodoarjaga. Akuhta kriisadilis basiid áigge áššehas sáhttá leat oktavuođas buresveadjinguovllu sosiálagohcimii.
Áššehasbálvalusa rabasáiggit beassážiid
Kela telefonbálvalus lea skilleduorastaga 28.3.2024 rabas dmu 9–13, muhto áigáiboahtodoarjaga bálvalannummirii 020 692 207 sáhttá hohpolaš dáhpáhusain riŋget dmu 16 rádjai. Gávnnat Kela bálvalannummiriid neahtas čujuhusas www.kela.fi/soita-kelaan.
Davvisámegielat telefonbálvalus lea doaisttážii gitta. Don oaččut oktavuođa bálvalussii nu, ahte sáddet oktavuođabivdaga čujuhussii saame@kela.fi.
Nuortalašgielat telefonbálvalus lea gitta skilleduorastaga. Nuortalašgielat telefon- ja gáiddusbálvalus bálvala dábálaš vuogi mielde duorastagaid dmu 9–11. Don oaččut oktavuođa maiddái eará áiggiid nu, ahte sáddet oktavuođaváldinbivdaga čujuhussii saame@kela.fi.
Skilleduorastat váikkuha maiddái rabas bálvalanbáikkiid rabasáiggiide. Rabas bálvalanbáikkit mannet gitta maŋimustá dmu 13, muhto oassi báikkiin gohcá hohpolaš áigáiboahtodoarjaga dárbbašeaddjiid dihte dmu 16 rádjai. Hohpolaš áigáiboahtodoarjaga geažil gohcet čuovvovaš bálvalanbáikkit:
- Espoo/Leppävaara
- Helsset/Kamppi
- Hämeenlinna
- Jyväskylä
- Kajaani
- Kokkola
- Kotka
- Kuopio
- Lahti
- Lappeenranta
- Oulu
- Pori
- Raisio
- Rauma
- Roavvenjárga
- Salo
- Seinäjoki
- Tampere
- Turku
- Vaasa
- Vantaa/Tikkurila.
Dárkkis bálvalanbáikkiid čujuhusaid bálvalanbáikeozus čujuhusas www.kela.fi/palvelupisteen-haku.
Kela telefonbálvalus ja bálvalanbáikkit leat gitta
- guhkesbearjadaga 29.3.2024
- beassášlávvardaga 30.3.2024
- 1. beassášbeaivve 31.3.2024
- 2. beassášbeaivve 1.4.2024.
Beassážiid spiehkastatáiggit oktasašbargoguimmiide
Skilleduorastaga 28.3.2024 Kela bálvala oktasašbargoguimmiid dmu 13 rádjai. Doaktárlinnjá lea goittotge skilleduorastaga gitta. Buot bálvalannummirat guimmiide leat gitta 29.3.–1.4.2024.
Álbmotealáhatlágádus (Kela) dikšu Suoma sosiáladorvui gullevaš olbmuid vuođđodorvvu iešguđetlágan eallindiliin.
Muut kielet
Tilaa tiedotteet sähköpostiisi
Haluatko tietää asioista ensimmäisten joukossa? Kun tilaat tiedotteemme, saat ne sähköpostiisi välittömästi julkaisuhetkellä. Tilauksen voit halutessasi perua milloin tahansa.
Lue lisää julkaisijalta Kela/FPA
Partiell vårdpenning kan nu sökas för hösten 202522.7.2025 10:42:00 EEST | Pressmeddelande
FPA betalar partiell vårdpenning till en förälder som har ett barn i årskurs 1 eller 2 och som har avtalat med sin arbetsgivare om förkortad arbetstid på grund av vården av barnet.
Osittaista hoitorahaa voi nyt hakea syksylle 202522.7.2025 10:42:00 EEST | Tiedote
Läs meddelandet på svenska (fpa.fi). Pressrelease in English (kela.fi). Kela maksaa osittaista hoitorahaa 1. ja 2. luokalla olevan lapsen vanhemmalle, joka on sopinut työnantajansa kanssa lyhyemmästä työajasta lapsen hoidon vuoksi.
You can now apply for partial care allowance for autumn 202522.7.2025 10:42:00 EEST | Press release
Kela pays partial care allowance to parents of children in the 1st or 2nd year of school who have agreed with their employer on shorter working hours due to child care.
FPA:s serviceställe i Lojo är stängt i slutet av sommaren – flyttar till ny adress i september21.7.2025 11:17:00 EEST | Pressmeddelande
FPA:s serviceställe i Lojo flyttar till Nummisvägen 12–14 från 1 september. Lojo serviceställe är stängt 28.7–31.8. Kunder kan sköta sina FPA-ärenden också på nätet eller per telefon.
Kelan palvelupiste Lohjalla on suljettu loppukesän – muuttaa uuteen osoitteeseen syyskuussa21.7.2025 11:17:00 EEST | Tiedote
Kelan Lohjan palvelupiste muuttaa 1.9. osoitteeseen Nummentie 12-14. Lohjan palvelupiste on suljettu 28.7.–31.8. Kela-asiat voi hoitaa myös verkossa tai puhelimessa.
Uutishuoneessa voit lukea tiedotteitamme ja muuta julkaisemaamme materiaalia. Löydät sieltä niin yhteyshenkilöidemme tiedot kuin vapaasti julkaistavissa olevia kuvia ja videoita. Uutishuoneessa voit nähdä myös sosiaalisen median sisältöjä. Kaikki tiedotepalvelussa julkaistu materiaali on vapaasti median käytettävissä.
Tutustu uutishuoneeseemme