Kela

Eʹjjpeiʹvvpââʹzz seʹrdde Kela kääzzkõõzzi da määusai äiʹǧǧtaaulid

Del

Eʹjjpeiʹvvpââʹzz ääʹjee reâuǥteʹmesvuõttääiʹj iʹlmmtempeeiʹvid da  reâuǥteʹmesvuõtt-tuärjjõõzz mäʹhssempeeiʹvid. Piʹrǧǧeemtuärjjõs ǩiõrggan baŋkktiil õõl õuʹddel eʹjjpeiʹvvpõõʹzzi, jos ooccmõš da meâlddõõzz lie tooimtum mââimõõzzâst 15.3.2024. Strääšnainelljdpeeiʹv Kela kääzzkâstt äʹššniiʹǩǩid čiâss 13 räjja, da piʹrǧǧeemtuärjjõõzz peeiʹvstummuš lij äävai čiâss 16 räjja.

Eʹjjpeiʹvvpââʹzz ääʹjee reâuǥteʹmesvuõttääiʹj iʹlmmtempeeiʹvid da reâuǥteʹmesvuõtt-tuärjjõõzz mäʹhssempeeiʹvid.

Jõs reâuǥteʹmesvuõttääiʹj iʹlmmtem pââʹjj poott mââibaarǥ 26.3.2024 leʹbe seärad 27.3.2024, iʹlmmtõõzz vuäitt maaccted mââibaarǥ 26.3.2024 da tieʹǧǧ lie tiil âʹlnn ääiʹjmõsân nelljdpeeiʹv 28.3.2024.

Jos reâuǥteʹmesvuõttääiʹj iʹlmmtem pââʹjj poott nelljdpeeiʹv 28.3.2024, iʹlmmtõõzz vuäitt maaccted 27.3.2024 da tieʹǧǧ lie tiil âʹlnn ääiʹjmõsân mââibaarǥ 2.4.2024.

Jos reâuǥteʹmesvuõttääiʹj iʹlmmtem pââʹjj poott piâtnâc 29.3.2024, sueʹvet 30.3.2024 leʹbe pâʹsspeeiʹv 31.3.2024, iʹlmmtõõzz vuäitt maaccted nelljdpeeiʹv 28.3.2024 da tieʹǧǧ lie tiil âʹlnn ääiʹjmõsân seärad 3.4.2024.

Iʹlmmtõõzz kaʹnnat tooiʹmted MuuKelast juʹn maacctempeeiʹv tueʹlää, što tõn ǩiõrggnet ǩiõttʼtõõllâd sõõrǥmõõzz mieʹldd.

Eʹjjpeiʹvvpõõʹzzi vaaiktõs piʹrǧǧeemtuärjjõõzz ooccma

Piʹrǧǧeemtuärjjõõzz mââimõs mäʹhssempeiʹvv õuʹddel eʹjjpeiʹvvpõõʹzzi lij nelljdpeeiʹv 28.3.2024. Tuärjjõs ǩiõrggan teʹl baŋkktiil õõl, jos ooccmõš da puk taarbšum meâlddõõzz lie tooimtum Kela årra mââimõsân 15.3.2024.

Strääšnainelljdpeeiʹv Kelast lij peeiʹvstummuš ǩirrsallaš piʹrǧǧeemtuärjjõõzz taarbšeeʹjid teʹlfoonkääzzkõõzzin da måttmin kääzzkõspaaiʹǩin čiâss 16 räjja. Ǩirrsallaš äʹšš vuäitt leeʹd ouddmiârkkân tõt, što äʹššneǩ taarbaš akuuttân mähssčõnnõõttmõõžž talkksi leʹbe porrmõõžži vääras.

Jos äʹššneǩ taarbaš piʹrǧǧeemtuärjjõõzz ǩirrsallânji Kela äävaiåårramaaiʹji åålǥbeäʹlnn, kåʹdd vuäitt tuʹmmjõõzzâs mieʹldd miõttâd cõggi piʹrǧǧeemtuärjjõõzz. Akutt kriisvueʹjjest põõʹzzi ääiʹj äʹššneǩ vuäitt leeʹd õhttvuõđâst pueʹrrvââjjamvuuʹdes sosiaalpeeiʹvstummša.

Äʹššneǩ-kääzzkõõzz eʹjjpeiʹvvpõõʹzzi äävaiåårramääiʹj

Kela teʹlfonkääzzkõs lij strääšnainelljdpeeiʹv 28.3.2024 äävai čiâss 9–13, leša piʹrǧǧeemtuärjjõõzz kääzzkõsnââmra 20 692 207 vuäitt ǩirrsallaš vuõʹjjin såittad čiâss 16 räjja. Kaaunak Kela kääzzkõsnââmrid neeʹttest addrõõzzâst www.kela.fi/soita-kelaan.

Nuõrttsääʹmǩiõllsaž teʹlfonkääzzkõs lij ǩidd strääšnainelljdpeeiʹv. Nuõrttsääʹmǩiõllsaž teʹlfoon- da ougglõskääzzkõs kääzzkâstt takainalla nelljdpeeiʹvi čiâss 9–11. Vuäǯǯak kääzzkõʹsse õhttvuõđ še jeeʹres aaiʹji vuõltteeʹl õhttvuõttväʹlddemraukkmõõžž addrõʹsse saame@kela.fi.

Tâʹvvsääʹmǩiõllsaž teʹlfonkääzzkõs lij veâl ǩidd. Vuäǯǯak õhttvuõđ kääzzkõʹsse vuõltteeʹl õhttvuõttväʹlddemraukkmõõžž addrõʹsse saame@kela.fi.

Strääšnainelljdpeiʹvv vaaikat še äävai åårrai kääzzkõspaaiʹǩi äävaiåårrma. Äävai åårrai kääzzkõspääiʹǩ mâʹnne ǩidd mââimõõzzâst čiâss 13, leša måtam peeiʹvste ǩirrsallaš piʹrǧǧeemtuärjjõõzz taarbšeeʹjid čiâss 16 räjja. Ǩirrsallaš piʹrǧǧeemtuärjjõõzz diõtt peeiʹvste täk kääzzkõspääiʹǩ:

  • Espoo/Leppävaara
  • Heʹlssen/Kamppi
  • Hämeenlinna
  • Jyväskylä
  • Kajaani
  • Kokkola
  • Kotka
  • Kuopio
  • Lahti
  • Lappeenranta
  • Oulu
  • Pori
  • Raisio
  • Rauma
  • Ruäʹvnjargg
  • Salo
  • Seinäjoki
  • Tampere
  • Turku
  • Vaasa
  • Vantaa/Tikkurila.

Taaʹrǩest kääzzkõspaaiʹǩi addrõõzzid kääzzkõspäiʹǩǩooccmest addrõõzzâst www.kela.fi/palvelupisteen-haku.

Kela teʹlfoonkääzzkõs da kääzzkõspääiʹǩ lie ǩidd

  • strääšnaipiâtnâc 29.3.2024
  • sueʹvet 30.3.2024
  • eʹjjpeeiʹv 31.3.2024
  • jieʹnnpeeiʹv 1.4.2024.

Eʹjjpeiʹvvpõõzzi čårrneei ääiʹj õhttsažtuâjjkuõiʹmid

Strääšnainelljdpeeiʹv 28.3.2024 Kela kääzzkâstt õhttsažtuâjjkuõiʹmeez čiâss 13 räjja. Dåhttarlinnj lij kuuitâǥ strääšnainelljdpeeiʹv ǩidd. Puk kääzzkõsnââmar kuõiʹmid lie ǩidd 29.3.–1.4.2024.

Meerjeältõkstrooiʹtel (Kela) håidd Lääʹdd sosiaalstaaʹne kuulli vuâđđstaan jeeʹres jieʹllempooddin.

Andre språk

Følg pressemeldinger fra Kela

Registrer deg med din e-postadresse under for å få de nyeste sakene fra Kela på e-post fortløpende. Du kan melde deg av når som helst.

Siste pressemeldinger fra Kela

Arbetslivssituationen för klienter som deltagit i FPA:s yrkesinriktade rehabilitering förbättras ofta12.4.2024 11:18:03 EEST | Tiedote

FPA utvärderar regelbundet hurdan nytta klienterna har haft av rehabilitering. En färsk rapport visar att arbetslivssituationen ofta förbättras särskilt för personer som deltagit i yrkesinriktad rehabilitering. Också bland dem som deltagit i kurser för personer med psykiska sjukdomar ökar den andel som arbetar eller studerar. Klienter inom krävande medicinsk rehabilitering har däremot som väntat långvariga problem när det gäller arbetsförmågan.

Kelan ammatilliseen kuntoutukseen osallistuneiden asiakkaiden työelämätilanne usein kohenee12.4.2024 11:18:03 EEST | Tiedote

Kela tarkastelee säännöllisesti, millaisia hyötyjä asiakkaat saavat kuntoutuksesta. Tuoreesta raportista ilmenee, että erityisesti ammatillisen kuntoutuksen palveluihin osallistuneiden työelämätilanne usein kohenee. Myös mielenterveyskursseille osallistuneilla työssä ja opiskelemassa olevien osuus kasvaa. Vaativan lääkinnällisen kuntoutuksen asiakkailla sen sijaan on odotetusti pitkäaikaisia työkyvyn haasteita.

I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.

Besøk vårt presserom
HiddenA line styled icon from Orion Icon Library.Eye