Kela-aašijd puáhtá tääl hoittáđ neetist meid sämikielân
Lähetimme 19.3.2024 vahingossa väärän tiedotteen inarinsaameksi. Pääsiäisajan palveluita koskevan tiedotteen sijaan olisi pitänyt lähteä tämä tiedote. Pahoittelemme vahingosta aiheutunutta harmia!
Kela lii almostittâm vuosmuš versio sämikielâg nettiášástâllâmpalvâlusâst. Sämikielâg MuKela- teikkâ MuuKela-palvâlusâst puáhtá jo uuccâđ tiätu hiäđuid já vuolgâttiđ lahtosijd.
Kela nettiášástâllâmpalvâlus ađai OmaKela-palvâlus lii taan räi puáhtám kevttiđ jo-uv suomâkielân teikkâ ruotâkielân. Tääl Kela lii almostittâm palvâlusâst vuosmuš versio meiddei kuulmâ Suomâst sarnum sämikieláid. Palvâlus nommâ lii tavesämikielân MuKela já aanaar- já nuorttâsämikielân MuuKela.
Sämikielâg ášástâllâmpalvâlusân puáhtá čáládâttâđ siisâ torvolávt čujottâsâst www.kela.fi valjiimáin sijđostuv uálgis paječievâst Čáládât siisâ -tedâlduv (Kirjaudu) já tast maŋa puáttee valjiittuvvâst muulsâiävtu MuuKela (OmaKela). Palvâlusân kalga tubdâttâttâđ siisâ nettipaŋkkitubdâlduvâiguin teikkâ mobiilvisásmitmáin.
Siisâ čáládâttâm maŋa äššigâs puáhtá valjiđ suu valjim sämikielâ MuuKela kielâvaljiittuvvâst. Táárbu mield äššigâs puáhtá maccâđ ášástâllâm ääigi älkkeht meiddei suomâkielâ- teikkâ ruotâkielâ uáinusân.
Sämikielâg ášástâllâmpalvâlus stivree ucâmuš já lahtosij tooimâtmist
Sämikielâg ášástâllâmpalvâlus stivree äššigâs ucâmuš já lahtosij tooimâtmist Kelan. Äššigâs väljee palvâlusâst suu halijdem hiäđu já lahta toos jieijâs rustigijn tevdum pdf-ucâmušluámáttuv. Ko ucâmuš lii vyerkkejum palvâlusân, äššigâs puáhtá lasettiđ toos taarbâšlâš lahtosijd.
Algâmuddoost sämikielâg palvâlusâst puáhtá uuccâđ pyecceitipšom- já talhâssajanmáávsuid, vajodittem já vádulijtorjuu. Meiddei vyeliahasii aitârdeijee teikkâ Suomi.fi-váldásmitmáin nube peeleest ášástâllee puáhtá vuolgâttiđ ovdiibeln mainâšum ucâmušâid já tai lahtosijd.
Maŋeláá taan ive mittomeerrin lii rähtiđ sämikielâg palvâlusân jieijâskielâlâš ovdâsijđo já miärádâsâi já eres äššikiirjij uáinus. Tuáistáážân miärádâsah, reeivah já eres äššikirjeh puáhtá uáiniđ tuše molsomáin kielâ suomâkielân teikkâ ruotâkielân.
– Mij tuáivup sämikielâlâš äššigâsah keččâleh ášástâllâmpalvâlus kevttim, veikkâ palvâlusâst láá aanoost eskân ton vuosmuš jiešvuođah. Kevttei feeriimeh láá mijjân tuođâi teháliih, ko ovdedep palvâlus, iätá MuuKela ovdedem äššitobdee Elina Sipola.
Kela.fist uápisteh meid sämikielân ášástâllâmpalvâlus kevttimist.
Kela.fi-sijđostuvvâst muštâleh tääl ovdebáá vijđásubbooht meiddei sämikielân MuuKela kevttimist. Sijđostuvvâst muštâleh meiddei muulsâiävtulâš siisâ čáládâttâmvuovijn já váldásmitmist.
Kela.fist muštâleh meid, maht neetist puáhtá hoittáđ aašijd nube peeleest. MuuKelast puáhtá hoittáđ aašijd nube ulmuu peeleest, jis palvâlus kevttee olmooš lii olesahasâš já nubbe olesahasâš olmooš lii váldásmittám suu hoittáđ suu Kela-aašijd. Meiddei aitârdeijee puáhtá hoittáđ MuuKelast motomijd vyeliahasâš párnád aašijd.
Äššigâs finnee suu miärádâsâst sämikielâg jurgâlus
Sämikielâg äššigâs finnee hiätumiärádâsâs vist suomâkielân teikkâ ruotâkielân tom vuáđuld, mii suu aalmugtiätuvuáhádâhân merkkejum ášástâllâmkielâ lii. Ášástâllâmkiellân puáhtá valjiđ tuše suomâkielâ teikkâ ruotâkielâ.
Jis äššigâs lii uuccâm hiäđu sämikielâg ucâmuššáin teikkâ mudoi muštâlâm táátu finniđ miärádâsâs sämikielân, Kela vuolgât sunjin reivân meid miärádâs sämikielâg jurgâlus.
Eenikiellân puáhtá aalmugtiätuvuáháduvvâst almottiđ meid tave-, aanaar- teikkâ nuorttâsämikielâ. Meiddei Kela finnee tiäđu äššigâsâi eenikielâst aalmugtiätuvuáháduvvâst.
Sämmiliist lii säämi kielâlaavâ mield vuoigâdvuotâ hoittáđ Kela-aašijd jieijâs eenikieláin. Kielâlâš vuoigâdvuođâi olášume keevâtlávt váátá meid šleđgâlâš ášástâllâmmáhđulâšvuođâ faallâm.
Luuvâ eenâb
Kontakter
Elina SipolaOvdedem äššitobdee
Tel:050 551 7928elina.sipola@kela.fiAalmugiäláttâhlájádâs (Kela) hoittáá Suomâ sosiaaltoorvon kullee ulmui vuáđutorvo sierâ eellimtiilijn.
![](/data/images/public/69820426/70123598/1878c2e7-77fa-4171-971d-fb3081ad921d-w_780.png)
Andra språk
Följ Kela
Abonnera på våra pressmeddelanden. Endast mejladress behövs och den används bara här. Du kan avanmäla dig när som helst.
Senaste pressmeddelandena från Kela
Kelan Ylöjärven palvelupisteen aukioloaika muuttuu24.7.2024 09:00:00 EEST | Tiedote
Aukioloaika muuttuu Ylöjärven palvelupisteessä 6.8. alkaen. Jatkossa neuvontaa saa ajanvarauksella tiistaisin.
Kela bálvalanbáiki Soađegilis fárre15.7.2024 10:06:26 EEST | Tiedote
Soađegili bálvalanbáiki fárre 29.7. čujuhussii Ostoskuja 1.
Kelan palvelupiste Sodankylässä muuttaa15.7.2024 10:05:51 EEST | Tiedote
Sodankylän palvelupiste muuttaa 29.7. osoitteeseen Ostoskuja 1.
MittKanta håller öppet hela sommaren – här våra tips till semesterfirare11.7.2024 06:30:00 EEST | Tiedote
Finlands mest använda digitala tjänst inom social- och hälsovården, MittKanta, står till tjänst i hälso- och sjukvårdsärenden också under semesterperioden. Med hjälp av Kanta-tjänsterna följer viktiga uppgifter med dig från ett välfärdsområde till ett annat och till och med utomlands. Läs om hur vi betjänar semesterfirare.
OmaKanta on auki koko kesän – tässä vinkkimme lomalaiselle11.7.2024 06:30:00 EEST | Tiedote
Suomen käytetyin sosiaali- ja terveydenhuollon asiointipalvelu OmaKanta palvelee terveysasioissa lomakaudellakin. Tärkeät tiedot kulkevat mukanasi hyvinvointialueelta toiselle ja jopa ulkomaille Kanta-palvelujen avulla. Lue, miten palvelemme lomalaista.
I vårt pressrum kan du läsa de senaste pressmeddelandena, få tillgång till pressmaterial och hitta kontaktinformation.
Besök vårt pressrum