Kela-áššiid sáhttá dál dikšut neahtas maiddái sámegillii
20.3.2024 12:48:12 EET | Kela/FPA | Tiedote
Lähetimme 19.3.2024 vahingossa väärän tiedotteen pohjoissaameksi. Pääsiäisajan palveluita koskevan tiedotteen sijaan olisi pitänyt lähteä tämä tiedote. Pahoittelemme vahingosta aiheutunutta harmia!
Kela lea almmustahttán vuosttas veršuvnna sámegielat áššiiddikšunbálvalusas. Sámegielat MuKela- dahje MuuKela-bálvalusas sáhttá jo ohcat dihto ovdduid ja sáddet čuvvosiid.
Kela neahtas doaibmi áššiiddikšunbálvalusa dahjege MuKela lea dán rádjai sáhttán geavahit jogo suoma- dahje ruoŧagillii. Dál Kela lea almmustahttán bálvalusas vuosttas veršuvnna maiddái Suomas hállon golmma sámegillii. Bálvalusa namma davvisámegillii lea MuKela ja anáraš- ja nuortalašgillii MuuKela.
Sámegielat áššiiddikšunbálvalussii sáhttá čállit sisa dorvvolaččat čujuhusas www.kela.fi nu, ahte vállje siiddu olgeš badječiegas Čálit sisa -boalu (Kirjaudu) ja das maŋŋá molssaeavttu MuKela (OmaKela), mii rahpasa fálus. Bálvalusas sáhttá nannet iežas persovnna neahttabáŋkodovddaldagaiguin dahje mobiilasihkkarastiin.
Go áššehas lea čállán sisa, de son sáhttá válljet su háliidan sámegiela MuKela giellafálus. Dárbbu mielde áššehas sáhttá máhccat áššiiddikšuma áigge álkit maiddái suoma- dahje ruoŧagielat oidnosii.
Sámegielat áššiiddikšunbálvalus neavvu ohcamuša ja čuvvosiid doaimmaheamis
Sámegielat áššiiddikšunbálvalus neavvu áššehasa ohcamuša ja čuvvosiid doaimmaheamis Kelai. Áššehas vállje bálvalusas ovddu, man háliida, ja laktá dasa pdf-ohcanskovi, man lea deavdán iežas rusttegiin. Go ohcamuš lea vurkejuvvon bálvalussii, áššehas sáhttá lasihit dasa dárbbašlaš čuvvosiid.
Dál álggos sámegielat bálvalusas sáhttá ohcat buohccedikšun- ja dálkkasbuhtadusaid, veajuiduhttima ja doaibmaváttogiid doarjja. Maiddái agivuloš olbmo fuolaheaddji dahje Suomi.fi-fápmudusain nuppi olbmo beales áššiid dikšu olmmoš sáhttá sáddet ovdalis máinnašuvvon ohcamušaid ja daid čuvvosiid.
Maŋŋelabbos dán jagi mihttomearrin lea ráhkadit sámegielat bálvalussii iežasgielat ovdasiiddu ja mearrádusaid ja eará áššebáhpáriid oidnosa. Doaisttážii mearrádusaid, reivviid ja eará áššebáhpáriid sáhttá oaidnit dušše nu, ahte lonuha giela suomagillii dahje ruoŧagillii.
- Mii sávvat, ahte sámegielat áššehasat geahččalit áššiiddikšunbálvalusa geavaheami, vaikke bálvalusas leat anus easkka dan vuosttas iešvuođat. Geavaheaddjiid vásáhusat leat midjiide hui dehálaččat, daningo bálvalus ain buoriduvvo, dadjá MuKela ovddideami áššedovdi Elina Sipola.
Kela.fis rávvejuvvo maiddái sámegillii áššiiddikšunbálvalusa geavaheamis
Kela.fi siidduin muitaluvvo dál ovddibu viidásabbot maiddái sámegilli MuKela geavaheamis. Siidduin muitaluvvo maiddái molssaevttolaš sisa čállinvugiin ja fápmudahttimis.
Kela.fis muitaluvvo maiddái, mo neahtas sáhttá dikšut áššiid nuppi olbmo beales. MuKelas sáhttá dikšut áššiid nuppi olbmo beales, jos olmmoš, gii geavaha bálvalusa, lea dievasagis ja nubbi dievas ahkásaš olmmoš lea fápmudahttán su dikšut Kela-áššiid. Maiddái fuolaheaddji sáhttá dikšut MuKelas agivuloš máná muhtin áššiid.
Áššehas oažžu mearrádusas sámegielat jorgalusa
Sámegielat áššehas oažžu ovdomearrádusa vuos suomagillii dahje ruoŧagillii dan vuođul, mii lea áššiiddikšungiellan merkejuvvon álbmotdiehtovuogádahkii. Áššiiddikšungiellan sáhttá válljet dušše suoma- ja ruoŧagiela.
Jos áššehas lea ohcan ovddu sámegielat ohcamušain dahje muđui ovdanbuktán hálo oažžut mearrádusa sámegillii, Kela sádde sutnje reiven maiddái mearrádusa sámegielat jorgalusa.
Eatnigiellan sáhttá álbmotdiehtovuogádagas almmuhit maiddái davvisáme-, anáraš- dahje nuortalašgiela. Maiddái Kela oažžu dieđu áššehasaid eatnigielas álbmotdiehtovuogádagas.
Sápmelaččas lea sámi giellalága mielde vuoigatvuohta dikšut Kela-áššiid iežas gillii. Gielalaš vuoigatvuođaid ollašuvvan geavadis eaktuda maiddái elektrovnnalaš áššiiddikšunvejolašvuođa fállama.
Loga lasi
Yhteyshenkilöt
Elina SipolaOvddideami áššedovdi
Puh:050 551 7928elina.sipola@kela.fiÁlbmotealáhatlágádus (Kela) dikšu Suoma sosiáladorvui gullevaš olbmuid vuođđodorvvu iešguđetlágan eallindiliin.
Muut kielet
Tilaa tiedotteet sähköpostiisi
Haluatko tietää asioista ensimmäisten joukossa? Kun tilaat tiedotteemme, saat ne sähköpostiisi välittömästi julkaisuhetkellä. Tilauksen voit halutessasi perua milloin tahansa.
Lue lisää julkaisijalta Kela/FPA
Handläggningstiderna för de första ansökningarna om allmänt stöd är längre än vanligt hos FPA14.7.2026 12:52:40 EEST | Pressmeddelande
Handläggningen av ansökningar från kunder som ansöker om allmänt stöd för första gången tar för närvarande längre än vanligt hos FPA. Orsaken till att handläggningstiderna är längre just nu är att arbetslösheten har ökat, att många studerande har slutfört sina studier och att många sökandes perioder med inkomstrelaterad dagpenning tar slut. FPA uppskattar att situationen lättar inom de närmaste veckorna.
Yleistuen ensimmäisten hakemusten käsittelyajat ovat Kelassa tavallista pidempiä14.7.2026 12:52:40 EEST | Tiedote
Läs meddelandet på svenska (fpa.fi). Yleistuen ensimmäisten hakemusten käsittely kestää tällä hetkellä Kelassa tavallista pidempään. Käsittelyaikojen pitenemiseen ovat syinä työttömyyden kasvu, opiskelijoiden valmistuminen ja ansiopäivärahakausien päättyminen. Kela arvioi saavansa tilanteen purettua lähiviikkojen aikana.
Studielån för det kommande läsåret kan lyftas redan i augusti2.7.2026 08:53:46 EEST | Pressmeddelande
Studerande kan lyfta studielån för den kommande höstterminen från början av augusti. Studielånet inverkar också på den studerandes möjligheter att få utkomststöd.
Tulevan lukuvuoden opintolainaa voi nostaa jo elokuussa2.7.2026 08:53:46 EEST | Tiedote
Läs meddelandet på svenska (fpa.fi). Pressrelease in English (kela.fi). Opiskelijat voivat nostaa tulevan syyslukukauden opintolainaa elokuun alusta alkaen. Opintolaina vaikuttaa myös opiskelijan mahdollisuuteen saada toimeentulotukea.
Student loan funds for the coming academic year can be taken out already in August2.7.2026 08:53:46 EEST | Press release
Students can take out student loan funds for the coming autumn term starting from the beginning of August. The student loan also affects the student’s eligibility for social assistance.
Uutishuoneessa voit lukea tiedotteitamme ja muuta julkaisemaamme materiaalia. Löydät sieltä niin yhteyshenkilöidemme tiedot kuin vapaasti julkaistavissa olevia kuvia ja videoita. Uutishuoneessa voit nähdä myös sosiaalisen median sisältöjä. Kaikki tiedotepalvelussa julkaistu materiaali on vapaasti median käytettävissä.
Tutustu uutishuoneeseemme