Kela lii almostittâm ive 2024 enijpakkeet – tävirij njunoškriterin kvaliteet já torvolâšvuotâ

Kela lii almostittâm ive 2024 enijpakkeet. Taan ive enijpakettist láá 39 tävirid.

Kela mieđettem enijpakkeet ulmen lii tuárjuđ vaanhim já párnáá pyereestvaijeem. Enijpakkeet puáhtá valjiđ jo-uv enijpakettin tâi 170 euro viärurijjâ ruttâsummen. Suulân kyehti kuálmádâs väljejeh enijpakkeet.

– Enijpakkeet väljejeh iänááš vuossâmuu tove šoddâdeijeeh. Ruttâsume vuod sij, kiäin láá jo uccâ párnááh já tävireh toi párnái enijpakettijn teikâ kiäh láá finnim ovdebij iivij enijpakkeet tävirijd uápisulmuin, vuávájeijee Veera Petäjä Kelast muštâl.

Enijpakkeet täviráid puáhtá uápásmuđ Kela siijđost, mii oovdânpuáhtá enijpakkeet já ton vuáđuld valjiđ, ete váldá-uv torjuu pakettin vâi ruttân. Petäjä muštoot, ete enijpakettist orroo pihtâsijd puáhtá adeliđ ovdâskulij čuávuváá umogâšperrui, ko umogâš sadda tain olgos. Kela nettisiijđoin láá meid oonah enijpakkeet tävirij kiävttuääigi juátkim várás.

Kvaliteet lii enijpakettist vuolgâsaje

Enijpakkeet täävvirvaljiittâs siäilu ivveest nuubán viehâ siämmáálágánin, mutâ ovdâmerkkân tekstiilij ivneh já tävirij mereh mulsâšuveh. Haldâttâsohjelmist-uv mainâšum páálu lii tárguttâs lasettiđ enijpakettân tolemustáá ive 2026.

Enijpakkeet tävirijd kištotteh jyehi ive. Kela testaa tävirijd, vâi puáhtá visásmittiđ toi kvaliteet já torvolâšvuođâ.

– Mijjân lii tehálâš, ete tävireh láá torvoliih já killájeh kiävtu. Ruttimsalvâneh iä uážu ruokkâđ umogáá, já kuhes árppupitáh iä uážu leđe, tastko toh sättih kiesâluđ umogáá jyelgisuormâi teikâ suormâi pirrâ. Kuárulduvah já teddimpuáluh kalgeh killáđ kiävtu, juuriist Johanna Aholainen Kelast muštâl.

Lasseen enijpakkeet tävireh kalgeh movtijdittiđ viettiđ ohtsijd puudâid. Aholainen muštâl, ete pakettist lii mieldi kirje, mon vievâst halijdeh, ete párnáá já vaanhim vuáruvaikuttâs nanosmuvá.

Enijpakkeet loová kuuvijn fiäránisteh elleeperruuh

Enijpakkeet kuuvij nommâ lii Satumetsä. Tot kovvee uápis meccielleid toi jieijâs päikkipirrâsist Suomâ luándust. Kuuvijd lii vuávám kovvejeijee já graafisâš vuávájeijee Heli Hyppönen. Koveh väljejuvvojii almos jienâstem vuáđuld. 

– Mun lam ilolâš ko uáinám muu vuávám kuuvijd taan ive enijpakettist. Koveh finnejii inspiraatio sierâlágán elleeperruin, moh fiäránisteh Suomâ luándust sierâ iveaaigijn. Mun tuáivum, ete valjees koveh já toi lieggâ tubdâmušah pyehtih ilo jyehi perrui, Hyppönen kovvee. 

Satumetsä-koveh láá meid puáttee ive enijpakettist.

Enijpakettân puáhtá finniđ meid sämikielâlii vuosâkirje

Kelast puáhtá haalijddijn táttuđ enijpakettân sämikielâlii Ilo riškáttâl! -vuosâkirje puoh kuulmâ sämikielân. Toos lasseen neetist puáhtá luođiđ pdf-versio enijpakkeet tááláá Kis, kis, kisáčivgâ -vuosâkirjeest.

Lasetiäđuh median

Koveh media kiävtun almostittojeh ma 16.4. tme 9.00 čujottâsâst: Mediapankki | Kela (sttinfo.fi)