Áramusat lea buoremus –seminára lágiduvvo Anáris 10.11.

Áramusat lea buoremus –seminára lea oaivvilduvvon mielladearvvašvuođa- ja gárrenávnnasbarggu ámmátolbmuide sihke sámeguovllu čuvgehus- ja sode-doaibmiide. Seminára ulbmilin lea duddjot oktasaš oainnu sámeguovllu mielladearvvašvuođa- gárrenávnnasdili vejolašvuođain ja hástalusain.

- Juste dál gielddain ráhkadit stivrabaji buresveadjin- ja dorvvolašvuođaplánaid, ja lea dehálaš, ahte mielladearvvašvuođa- ja gárrenávnnasbargu leat mielde plánain. Mállen gielddaid plánaide lea Lappi buresveadjinprográmma ja dorvvolašvuođaplána doaibmabidjoplána 2020–2025, muitala Lappi guovlohálddahusdoaimmahaga njunušbearráigeahčči Sanna Ylitalo.

Gokčevaččat gárrenávnnas- ja mielladearvvašvuođabarggu birra

Oba beaivvi bisti dilálašvuođas buktet ovdan gokčevaččat mielladearvvašvuođa- ja gárrenávnnasbarggu dálá dili. Sosiálapsykiatriija professor Sami Pirkola Tampere universitehtas buktá ovdan mielladearvvašvuođastrategiija 2020. Guovlohálddahusdoaimmahat buktá ovdan semináras buot maŋimuš skuvladearvvašvuođajearahallama bohtosiid sámeguovllu gielddaid oasil. Ehyt ry almmuha semináras Audit, Alkohola geavaheami riskkat –teastta bohtosiid sámegielat jorgalusaid.

- Boahttevuođa Sode-fidnu áššedovdi Niila Rahko attii midjiide mannan giđa hástalusa buvttadit materiála sámegielaide. Mii válddiimet hástalusa vuostá ja buvttadeimmet sámegielaide Ehyta veršuvnna Audit teasttas, nu ahte dat lea dál oažžumis anárašgillii, nuortalašgillii ja davvisámegillii, dadjá Ehyt ry guovlokoordináhtor Saija Himanka.

Seminára veaigeoasis sosiála- ja dearvvašvuođaministeriija sierraáššedovdi Jaana Markkula vuojulduvvá gárrenávnnas- ja addikšuvdnastrategiijai 2021.

Mátkki alde –panelas árgabeaivvi ovddalgihtii eastadeaddji mielladearvvašvuođa- ja gárrenávnnasbarggu suokkardit Mettäterapia-bargi Tero Hakovirta, Mettäterapia, Sámisoster ry:s, ohcci nuoraidbargi Aleksi Ahlakorpi Ohcejoga gielddas, ohcci nuoraidbargiJouni Salminen Soađegili gielddas ja jođiheaddjedoavttir Heidi Eriksen Ohcejoga gielddas. Dilálašvuhtii oassálasti olbmuin lea maiddái vejolašvuohta ovdanbuktit gažaldagaid panelisttaide.

Lassedieđut

• Eastadeaddji gárrenávnnasbargu Lappi guovlohálddahusdoaimmahaga doaibmaguovllu gielddain, davvisámegielat publikašuvdna Publikašuvdna 105 Eastadeaddjigárrenávnnasbargu Lappi guovlohálddahusdoaimmahagadoaibmaguovllugielddainjagi 2020, Fiila rahpasa ođđa siiddus 
•  Eastadeaddji mielladearvvašvuođa- ja gárrenávnnasbargu gielddaid buresveadjin- ja dorvvolašvuođaplánain – mállen Lappi buresveadjinprográmma ja dorvvolašvuođaplána doaibmabidjoplána 2020-2025 (suomagillii)